Musim cuti sakolahan ni banyak banar kulaan aroh mangawinkan anak. Moga-moga perkahwinan kekal hingga ke anak cucu.

Dua minggu sudah aku ada tulak lautan. Umai malunya ai.....ta julong envelope puang hahahaha.....sorry tuan rumah

note***LAUTAN = KENDURI  perkataan ni cuma selalu di dengar di gunakan oleh orang Kalua terutama yg tinggal di daerah Sg Besar. Orang Sg Manik jarang menggunakan perkataan ini

Ya Allah, ya Tuhan kami!
Dalam rangkaian acara Pesta Perkawinan ... putra dari Bapak ... dan Ibu ... dengan ... putri dari Bapak ... dan Ibu ..., di pagi yang cerah, indah berliput bahagia ini, kami yang berkesempatan hadir dalam acara ini, menadahkan tangan, seraya memanjatkan serangkaian doa, harap, dan pinta kami pada Ilahi, dengan khusu', hidmat, penuh konsentrasi, k...iranya Engkau ijabah, kabulkan dan perkenankan ya Tuhan, doa, harap dan pinta kami ini.
Allahumma, Ya Allah; Tuhan yang Maha Rahman!
Khusus kepada kedua mempelai yang sangat berbahagia, kami doakan, kiranya keduanya senantiasa dapat memadu mawaddah war rahmah, cinta dan kasih, bagaikan mawaddah war rahmahnya Adam dan Hawa, Bagaikan perpaduan cinta kasih antara Yusuf dan Zulaiha, Selalu mesra bagaikan Nabiyullah Ibrahim dan Sarah tercinta. Berbahagia, berkasih sayang bagaikan Nabi Muhammad, Rasul tercinta dengan Khadijatul Kubra, 'Aa-isyah al Humaira dan isteri beliau yang lainnya.
Allahumma, ya Allah, Tuhan Yang Maha bijaksana!
Semoga pula mempelai berdua, banyak rezkinya dan panjang jodohnya, tidak dipisahkan sampai tutup usia. Mendapat putra dan putri yang soleh dan solehah yang membahagiakan seluruh keluarga, bermanfaat bagi nusa, bangsa dan agamanya. Dan Allah pun memberkahi seluruh kehidupan keluarga mereka.
Rabbana aatina fiddunya hasanah wa fil akhirati hasanah wa qina azaabannaar. Dst

Umayai. Kayapa kaini...uyuh hudah baubat kada jua mau ampeh garing. Panadol haa hudah dua papan habis ku taguk. Handak bajalan gin jarunjung-jarunjung handak rabah. Lintuhut asa galitiran. Jantung galudupan..Muha ku yang hensem ni gin hudah tasingkalok, kada paruna lagi huhuhu.

Minik hudah kapala mamikirakan tatamba garing ku ngini. Ayu amm, tulungi pang aku nih....cinta ku putus di tangah jalan

Ungut ungut burung pialing
Kuriakan takutan lamas
Ungut ungut paragah garing
Karindangan diyang bungas

Kuriakan takutan lamas
Lalu badiri dibatang ara
Karindangan diyang bungas
Manunggu ari handak bapara

Lalu badiri di batang ara
Hakun badudi manajuni
Manunggu ari handak bapara
Amun jadi lakas saruani

Mamarudan nyior baulah gangan
Gangan dimasak dirumah kawitan
Tuhuk hudah kita bagayaan
Sama-sama kita barilaan

Assalamualaikum.. umai....lawasnya kada babuat ditungkaran ngini. Masing -masing aur ba pesbok haja pang...kada lagi taharagu blog Banjar Sg Manik ni...hahaha

Satumat lagi imbah sembahyang subuh ulun nak sambung guring. Arini ni nak guring malalur..cuti umum Malaysia manang bolasepak piala AFF

Selamat menyambut tahun baru 2011.

Sempena Hari Raya Idiladha ni, aku taganang peristiwa masa aku halui iaitu masa maantar aruah nenek wan marinaan ku ka Makah. Masa tu balum ada lagi flight ka Makah, jemaah haji masih naik kapal laut.

Kami batulak papagian dari rumah nenek di Parit 2 Sg Besar dengan 4 bigi  kereta sewa. Aku dapat naik kereta Morris Minor Wagon warna hirang. Kereta yang ku naiki sunyaan nya ada 8 orang. Aku terpaksa duduk dalam tampat barang sebab bangku sunyaannya hibak.

keretanya lebih kurang kayainilah taga lebih buruk

Rombongan kami sampai di Pelabuhan Klang (Masa tu masih lagi makai ngaran Port Swettenham). Kababanyakan manusia di pelabuhan masa tu, macam hulat tahi. Napang kada banyak amun saurang yang tulak ka Makah, habis tumbar sakampungan datang maantar ke pelabuhan. Wayahini, keluarga maantar takat Kompleks Tabung Haji di Kelana Jaya jua, kada sampai ke pesawat.

Aku wan aruah uma dudukan di pinggir pagar, betul-betul parak awan kapal. Itulah kali pertama aku suah melihat laut. Umai takutannya aku melihat banyu laut sebab pier tu tinggi wan banyu lautnya jauh di bawah. Asa hayayaan melihat ombak laut.

Lebih kurang pukul 1 tengahari, aruah uma rasa nak bakamih. Kakanak lalaki mana boleh masuk dalam jamban babini jadi aruah uma suruh aku mahadangi di higa lawang. Masa tu apa jualah fikiranku, rasa macam ada yang mehiyau aku suruh  baparak intang tangga naik ka kapal. Makin lawas makin jauh aku bejalan. Aku dah kada tahu lagi nak menuju ka jamban babini tadi. Ya am tu kada paasian pang, disuruh aruah uma badiam intang lawang, kada maasik. Nasib baiklah panjang akal ku. Masa tu umurku lebih kurang 5 tahun. Aku tatiring ada pentas di mana banyak kakanakan manangisan. Orang yang ada di atas pentas tu pakai mikrofon meumumkan pada pengunjung, sapa ada hilang anak, sila datang ke pentas menuntut anak masing-masing. Aku baparak ke pentas. Lelaki yang ada di situ menakuniku, "Adik ni sesat ye?". Aku meangguk banar ai, sebab masa tu sepatah haram bahasa Melayu aku kada tahu. Rupa-rupanya sepupuku ada bediri di hadapan pentas, ma itihi kakanakan yang hilang, rame luko melihat kakanakan menangisan. Balum sawat lelaki tu meumumkan yang aku kehilangan uma, sepupuku dah  datang meambili aku. Lega rasanya.

Aruah nenek dan yang lain-lain naik kapal lebih kurang pukul 3 petang. Kami melambai-lambai tangan, i ilah cerita Titanic ha. Bila kapal dah jauh, kami pun baisur bulik.

Masa bulik ada lagi insiden yang aku kada lupa. Masa naik feri di Kuala Selangor, Tali yang meikat bot penunda ke feri putus masa kami sampai katangah sungai. Kuriakan orang sebab arus masa tu laju, wan feri hibak dengan kereta. Nasib baik ada dua bigi bot lagi datang menunda feri sampai kasubarang. Kalau lambat, alamat dah ji oun kami semua.

Selamat menyambut Hari Raya Idiladha

Hujung-hujung tahun ni dah mula musim hujan. Bila patang haja ari mula muro. Negeri-negeri pantai timur wan sebelah utara (Kedah, Perak) hudah mula banyak kawasan yang caram. Habarnya bandang di Sungai Ganal, Sabak Bernam gin dah ba-ah.

Bandang caram di Sungai Ganal

Gambar di petik dari Ayuhak Bapandiran oleh Alang

Di Sungai Manik, sa ingatan ku, sakali jua suah ba-ah yang ganal, iaitu tahun 1971. Aku ingat lagi aruah kak long saparanakan pindahan ka rumah kami di Kg Bahagia. Titi manyubarang burapit dihadapan rumah kak long hilang dihanyutkan banyu baah. Aku kada pati ingat masa tu tangah musim babandang kah kada. Masa tu aku halui lagi ya am. Rumah kami di Kg Bahagia gin selalu jua caram. Umai raminya main banyu. Habis pokok pisang ku tabangi, gadangnya cagar baulah rakit. Bilang ba amuk aruah ayah bila tahu pokok pisang habis ku rawis, napang pokok yang parak babuah  gin habis ku tabangi.

Bila haja hujan, raminya ako bapilihi iwak yang naik kahalaman rumah. Tanah parumahan kami ni kiranya randah saikit dari tanah nang sabalah jalan ganal. Bila hujan, banyu turun dari paparitan pinggir jalan ka rumah kami ampah ke sungai yang ada di buntut tanah kami. Sungai ni adalah Sungai Suli yang berpecah kepada Sg Manik dan Sg Tunku.

Dalam pertengahan tahun 1980 an projek Pengairan Kerian -Sg Manik dah dilakukan. Sg Suli sudah di tabat dan satu tali air @ terusan di tabuk di subalahan sungai. Imbah siap projek tu, rumah kami kada suah caram lagi sebab banyu pasang dari Sg Perak kada hingkat lagi masuk ka sungai.

pokok tabarukat di tampur angin

kamus banjar

• Burapit - parit besar (bahasa yang cuma digunakan oleh orang banjar Sg Manik)
• Kong- taliar air yang lebih kecil  dari burapit
• Ba-ah - banjir @ bah
• Caram - di tenggelami air
• Banyu - air
• Rami - seronok
• Ganal - besar
• Gadang - batang pisang
• tabat - tambak, di empang
• Muro- mendung
• Iwak - ikan

Raya tahun ni aku kada bulik ke kampong. Asa marista sebab kana giliran bagawi masa raya tadi. Sabujurnya hudah banyak kali aku kada beraya di kampong. Dua-dua kuwitan ku hudah meninggal. Aruah ayah meninggal sebab eksiden pada 6hb Mac 1983 pada umur 80 tahun wan aruah uma pada 3hb Nov 1998 akibat stroke masa berumur 85 tahun. Al-Fatihah.

Dangsanak ku sunyaan sudah berkeluarga, hudah ada anak cucu masing-masing. Hari raya pertama sunyaan beraya di rumah masing-masing, anak cucu minanto. Jarang hudah takumpul dangsanak masa hari raya. Amun ada ba arohan hanyar dapat bakumpulan, jadi aku kada tapi kisah banar amun kada bulik kampong masa hari raya. Memang masa hari raya, kaganangan kisah-kisah bahari masa kakanakan. Saminggu dua sabalum raya, aruah uma hudah mula sibuk baulah wadai raya. Kuih bangkit, putu kacang, bahulu, wajik, dodol, kuih goyang (kuih ros), rempeyek, kuih siput, maruku. Saja banyak wadai ulahan aruah uma sebab anak cucu baimbai bulikan  ka kampong. Kada suah miss, hari raya pertama sunyaan dangsanak ku mesti beraya di rumah kami. Aku ada 8 kakak wan 3 abang. Kakak-kakak ku sunyaan nya queen control, sebab tiap tahun, raya pertama kana beraya di rumah kami. Abang-abang iparku sunyaannya terpaksa ba alah haja. Lagipun memang rami amun takumpul sunyaan anak cucu. Guringan balampas di tangah ruang. Selalunya yang tuha-tuha kada guringan, aur bapandir sampai ka siang. Tahan haja mata kada guring, kada kisahlah, setahun sekali je!

Imbah sembahyang raya, rumah kami jadi rumah pertama yang di datangi kariah masigit. Aruah ayah adalah salah sa orang imam kg kami wan rumah kami parak awan masigit, jadi memang hibak rumah, sampai ka ambin, barumahan gen ada orang dudukan. Imbah rumah kami, hanyarlah rombongan orang masigit berpecah ke kumpulan yang lebih halui.

Wadai yang jadi kegemaran wan dapat permintaan ramai adalah tapai hijau. Di kampong kami, setahu ku rumah kami jua yang ada mehidangkan tapai hijau. Aruah uma memang pakar maulah tapai. Tapai hijau atau tapai banjar ni lain sikit dari tapai yang ada di lembah Klang ni. Rahsianya adalah ramuan yang digunakan. Warna hijau adalah daripada banyu daun kato ( sayur pucuk manis ), sahang batumbuk. Aruah uma mamundut tapai menggunakan daun keladi. Kada kira jenis ragi yang di pakai, tapai ulahan aruah uma memang manis. Tiap-tiap hari raya ada haja yang ma inta tapai dipundut bawa bulik.

Masa anak kemanakan ku bakawinan bulan July yang lepas, ada ai di surungi tapai pulut cagar pembasuh muntung tagal tapai putih yang dibuat dalam wadah plastik. Aku rasa magun ai ada lagi orang tuha-tuha yang tahu ma ulah tapai hijau ni. Generasi anum mestilah  ada yang mewarisi kepandaian maulah tapai ni agar kada pupus

Pada 29hb Ogos nang lepas aku dah mula kada nyaman awak. Satumat asa mambarangat, satumat dingin. Dalam hati taingat aku ni kena H1N1 kah, tagal kadada pulang rasa nak batuk atawa wahin. Rakungan rasa kaya biasa haja.

6 hari aku garing tagal dibawa haja bagawi. Masuk hari ka 6 aku rasa ada perubahan warna di batis subalah kanan. Batis ku dah jadi habang wan bangkak malining. Kada syak lagi, amun penyakit nia, baik lakasi dibawa ka hospital!

Jam 11 pagi 3 hb September 2009, aku hudah siap basisimpun barang cagar dibawa ka hospital. Berus gigi, sabun mandi, ubat gigi, deodorant, tapih wan dua halai baju, dibuat kadalam kampil. Umanya dah tulak bagawi. Anak-anak sunyaan sakulahan. Duit sudah ku tinggali cagar manukar lauk hagan babuka. Kucing-kucing marau haraguan ku, Cham-cham, Yen-yen, PoYoo, YeeYoot wan BuuBOO hudah ku barie makan. Satuyuk biskut SMart Heart hudah ku buati dalam ayan, mayu sampai ka patang.

Pukul 11.15 aku dah naik teksi apek senget menuju ka Hospital Kajang. Sarajinnya ako masuk ka Kajang Plaza Medical Center (KPMC) nang basubalahan awan Stadium Kajang tu, tagal insuran ku dah talah ku pakai. Amun masuk ka situ, mau ai kana dua talo ribu. Masuk hospital kerajaan kada sawat RM100 bayarannya, malaran jua cagar belanja raya kayina.

Aku sampai di wad kecemasan hospital Kajang jam 11.30 pagi. Limbah maambil borang di kaunter penyaringan, aku terus ka kaunter pendaftaran. Bayaran RM1.00 dah ku lunasi. Aku di barie no giliran 1034. Ku itihie no giliran pesakit sedang dirawat nang terpampang di bilik doktor adalah 1030. Maknanya cuma ada 3 orang pesakit di hadapan ku. Kada lawas mahadang, aku di panggil ka bilik pemeriksaan BP wan suhu awak. Bila hudah talah pemeriksaan, ku itihie no di bilik doktor masih lagi 1030.

Makin lawas, makin banyak pesakit nang datang sampai hibak bilik manunggu tagal no masih lagi 1030. Berita 1.30 TV3 dah nak habis tagal kadada kalihatan bayang doktor. Biasalah tu, hospital kerajaan, cukup gah dengan slogan-slogan. Bersih, Cekap Amanah lah, tagal mentaliti pekerjanya magun haja sama kaya bahari. Hadang punya hadang, pukul 2.35 ptg baru masuk dalam bilik doktor.

Ada sorang doktor lelaki bangsa India di dalam.

"Sakit apa encik?"

"Saya sakit cellulitis. Sudah 6 hari saya demam."

"Mana encik tahu itu sakit cellulitis?"

"Walau saya bukan doktor, tapi saya tahu jugak symptomnya." (Sabujurnya, hudah banyak kali ako kana penyakit nia. Saja nak lepas geram kat doktor)

Bila dia periksa, memang sah aku ada cellulitis wan terpaksa masuk wad. Aku di masukkan ke dalam wad 1 iaitu wad ortopedik Hospital Kajang. Limbah mendaftar di kaunter hasil, aku di panggil masuk kedalam wad kecemasan. Mula-mula mesti lah nak kena cucuk hulo. Nurse di wad kecemasan tu nak masukkan jarum iv. Pamugaan di cucuk tangan subalah kiwa, kada tahaba urat darah (vein). Cucok pulang tangan subalah kanan, magun jua kada tahaba urat. Tangan ku memang langsung kada kalihatan urat nang timbul, halus, lembut wan gebu tagal amun kana tempeleng ku, mau baminggu-minggu minek kapala atawa boleh jadi sewel. he he he .. Kali ke 3 baru mancurat darah kaluar, itu gen hudah puas dipusing-pusing kan jarum tu dalam tangan ku. Singkal rasa tangan. Nasib baik lah nurse tu bungas orangnya, kalau tidak hudah lawas kurudahi muhanya..  

            

              Hospital Kajang                                   Kaunter farmasi

                                                                              

           

Cellulitis

Cellulitis Risk Factors

     

Hari ni ako kada tahu nak makan apa cagaran babuka kayina. Umanya bagawi di KL, limbah babuka hanyar sampai ka rumah. Anak-anak puasaan ari ni tagal nang panuhanya uzur sako. Samalam kuitehi inya ungal-ungal mambantas burger dalam bilik.

Ako hanyar limbah bajarang lengkong (agar-agar gula melaka). Anak nang halui batagih nak makan wadai seri ayu. Wadai ngini yang paling sanang diulah, 15 minit dah siap. Sakali tanggar dalam kukusan 3 tingkat (lengat jar urang melayu) dah baulehi 30 bigi wadai seri ayu. Amun nukar di warung, hudah RM10 tarabang. Hagan lauk, aku dah kaluarkan hayam wan iwak keli dari dalam freezer.

    

Sumalam ako dah masak nasi briyani wan hayam madu. Kapingin rasanya nak makan iwak keli masak lemak cili padi tagal anak ku saikong gen kadada yang tahan makan padas, jadi lauk tu terpaksa tolak tepi. Kakanakan wayahini ngalih banar tatagihannya.

Ako ada talo ikong anak, kadada yang sama selera. Nang panuhanya suka makan sotong, hayam masak merah wan rendang daging, kada suka makan kari. Nang no 2 suka makan hayam barandang. Nasi hangat di kacak awan majerin & kicap. Nginto dah cukup maulang makan sampai 2 pinggan. Kari hayam boleh jugak makan. Nang pahalui nya suka makan hundang tumis kunyit. Kada makan sotong, kerang. Suka makan iwak keli barandang. Ako dalam dilema. Nak masak kari hayam, anak nang tuha kada mau makan. masak lemak cili padi, ako surangan jua yang makan. Amun disurungi junk food; burger, hotdog, pizza, depa kada nolak langsung. Kakanakan wayahini kada macam kakanakan bahari. Ako masa halui kada suah mamilih pasal makanan. Apa haja yang kuwitan surungi, kada banyak garunum, suap haja.

Buka puasa salalunya wadai mesti ada. Jiran-jiran sorang sapinggan maantari wadai ka rumah kami. Kami gen umpat jua maantari jiran-jiran wadai ulahan kami. Ako ingat lagi wadai-wadai ulahan kaka wan aruah uma. Pais pisang (lepat), batil pisang, cokodok, pisang barandang, murtabak pisang ( lebih kurang macam roti pisang kedai mamak) murtabak hintalo (inti hantalo wan daun kucai) & lengkong. Wadai nang lain balum bisa nak maulah. Jiran-jiran melayu maantari wadai ulahan depa. Barulah dapat makan wadai yang asing bagi orang banjar. Ada yang antar karipap, masalodeh, buah melaka dan lain-lain.  Aiiii! Buah melaka rasanya  macam wadai kipeng taga kadaida bakuah! Takajut warek orang banjar masa tu.

   

Teringat satu cerita aruah mak pasal lengkong ni. NI cerita pasal keluarga kami jugak yang baru datang dari Sapat, Sumatera. Ada satu dua laki bini ni mailangi rumah mamarina nang ada di Gaduma. Napa lagi garaungan depa, lawas kada batamuan pang. Masa bapandiran, disurungi oleh tuan rumah lengkong cagar pembasuh mulut. Dua laki bini dari Sapat ni kada suah tahaga lengkong saumuran. Sakali sulum, umai nyamannya wadai nia. Nang bini batakun kanu nang marina kayaipa handak maulah wadai nginto. Dipadahakan lah agar-agar sapundutan, gula sakian banyak, banyu sakian banyak wan kasumba habang cagar mewarnai lengkong.

Di pendekkan cerita, satu hari nang laki batutukar barang cagar baulah lengkong. "Ca am umanya ulahakan lengkong kaya nang di Gaduma tu" , jar nang laki. Dengan bangganya nang bini pun manjarang lengkong sebagaimana yang  dipelajari.

Kada lawas lengkong dah manggurak. Satumat lagi bolehlah di makan lengkong ni. Lawas jua umanya maharu lengkong kada jua mau jadi kaya bat marina di Gaduma. "Ayo am ayahmu! Satongkehan dah kayu habis, kada jua mau karas lengkong ni."  jar umanya.  "Cah, piraya hak kita makan wadai lengkong." Burrr! Di tuang ka pucirin sapariuk lengkong tadi tu teh. Kada lawas takipek umanya bila lengkong di pucirin dah jadi karas. Tu lah, belajar kada tuntong. he he he