31 ogos ni hudah masuk 48 tahun Malaysia merdeka. Ako anak kelahiran imbah merdeka kada tahu kayapa perasaan urang bahari masa mula-mula merdeka tu. Bagi keluargaku sebanarnya kada banyak perbezaan masa sabalum merdeka awan semasa imbah merdeka. Memang kada dinafikan ada kemajuan fizikal tagal bagi masyarakat banjar, perubahan memang lambat sampainya. kada sapa dapat menafikan yang masyarakat banjar memang mendapat layanan kada memuaskan dari pemerintah.
Urang-urang malayu meanggap urang banjar ni masyarakat kelas 2. kesimpulan ngini ako ambil berdasarkan dari pengalaman. Keluargako pindah dari Sg Manik ka Kg Bahagia sekitar tahun 1966. ako diganalakan dikalangan urang-urang malayu. Masa mula-mula berinteraksi awan urang malayu, bilang asa ngalihnya handak bahinak. dada galudupan, takutan kada hingkat bailun bila handak basurah malayu. Ako ingat lagi ayat malayu yang mula-mula ako wan abangko surahkan. Masa tu kami ada kawan bangaran Long. Abangko bapacah hintalo tambok, malatoi tapurancit ka muha. Kayapa leh handak bapadah kanu Long yang kami tapurancit hintalo tambok. Nginilah ayat malayu yang mula-mula tapacul dari muntung abangko. "Long, saya buruk hintalo buruk". Bila ingat balik peristiwa ngini kami tatawaan pang.
oleh sebab kami ni haloi lagi, kada ngalih handak basurah malayu. Kada lawas pindah dah hingkat basurah kaya urang hulu (Kg Gajah) kada lagi makai kawo, ikam. Basurah dah pakai kome, deme. Pamugaan ako basakulah di Sek Keb Permatang, Parit 7 (sakulang Angah Tinjau). Sawat dua bulan jua sakulah disitu, batis takapit dalam rim biskar, tarus ampih sakulah. Sampai wayahini ada ai lagi kunatnya. Imbah 3 bulan cuti, pindah ka sakulah di T Anson. Di sakulah nginto kada sawat 10 urang kakanak banjar yang mengaji disitu. Kakawanan sakulah kada tahu ako ni urang banjar pasal ako fluent berbahasa perak. Masa bergaul dengan kakanakan malayu ni ako dapat tahu kayapa tanggapan depa pada urang banjar. Urang banjar ni jar depa kadada kelas. Makan iwak harok, muha muring wan pawanian. Sikit-sikit kana tampeleng atawa kana suduk atawa timpas. Kakanakan malayu ditangati kawitan depa dari balalah ka Sg Manik, takutan di pupoh urang banjar. Amun mendarebal, kada wani laju, kaluko taranjah urang banjar atawa talanggar hayam. Sia-sia minik kapala kana pupoh.
Kami yang bagana di Kg Bahagia mula mendapat bekalan letrik wan banyu dalam tahun 1973. Sg Manik yang basabalahan cuma dapat bekalan pada awal tahun 1980 an. Nginto gen tihang lampu kana bayar sendiri. Tuhok mainta dari kerajaan. Masa tu urang malayu yang dipadang tagah gen hudah baisi letrik. Bukan nginto haja, kawasan penduduk malayu, jalan-jalan kampong sunyaan hudah ber tar. Amun di Kg Gajah (kawasan Ramli Ngah Talib) jalan kajamban gen ditar depa. Kawasan penduduk banjar magun ai jalan tanah merah. bila musim hujan, licak nya kada bisa handak aku manyurahkan. Tayar biskar kada kawa bapusing, tanah marikit ditayar. Tuhok ai mambuangi tanah tu hulu. Kasut kakanakan sakulah kadada yang parunanya. Saikong-saikong bacalumut awan licak.
Hujung tahun 1980 an hanyar ada jalan di Sg manik yang ber tar. Nginto gen sapalih jua. Contoh jalan Parit 7B pasalnya ada sakulah di Permatang. ngalih jua luko urang malayu nak ba ulang ka sakulah nginto.
Walau hudah 48 tahun merdeka, prasarana di Sg Manik magun kada banyak baubah. Sumbangan penduduk Sg Manik bukannya haloi. Sg Manik adalah antara pengeluar padi utama negara yang mana sedikit sebanyak membantu mengurangkan pertukaran wang asing wan mengurangkan kepergantungan kepada hasil pertanian luar negara. Urang banjar Sg Manik kadada dibarie kemudahan bacari pendapatan luar. Kemudahan pengangkutan awam ada ai, tagal hudah nak nazak. Sykt Kenderaan Sg Manik ada baisi dua tiga bigi bas buruk yang lalu di Sg Manik tagal schedule yang kada teratur wan bas yang selalu rakai, membuatkan servisnya kada efisen. Sg Manik sebujurnya sangat jauh ketinggalan dalam serba serbi. Ngintolah salah satu sebab kenapa urang banjar Sg Manik banyak yang bahamburan di Kuala Lumpur, di tanah-tanah rancangan Felda, wan negeri-negeri lain. Kakanakan banjar wayahini hudah mula melupakan bahasa ibunda sebab handak me asimilasi ka budaya malayu. Pandangan negatif masyarakat malayu terhadap urang banjar membuatkan kakanakan banjar supan handak basurah banjar. Dengan menggunakan bahasa malayu, anak-anak banjar beranggapan dapat diterima oleh masyarakat malayu dan menghilangkan stigma yang ada pada urang BANJAR.
Urang-urang malayu meanggap urang banjar ni masyarakat kelas 2. kesimpulan ngini ako ambil berdasarkan dari pengalaman. Keluargako pindah dari Sg Manik ka Kg Bahagia sekitar tahun 1966. ako diganalakan dikalangan urang-urang malayu. Masa mula-mula berinteraksi awan urang malayu, bilang asa ngalihnya handak bahinak. dada galudupan, takutan kada hingkat bailun bila handak basurah malayu. Ako ingat lagi ayat malayu yang mula-mula ako wan abangko surahkan. Masa tu kami ada kawan bangaran Long. Abangko bapacah hintalo tambok, malatoi tapurancit ka muha. Kayapa leh handak bapadah kanu Long yang kami tapurancit hintalo tambok. Nginilah ayat malayu yang mula-mula tapacul dari muntung abangko. "Long, saya buruk hintalo buruk". Bila ingat balik peristiwa ngini kami tatawaan pang.
oleh sebab kami ni haloi lagi, kada ngalih handak basurah malayu. Kada lawas pindah dah hingkat basurah kaya urang hulu (Kg Gajah) kada lagi makai kawo, ikam. Basurah dah pakai kome, deme. Pamugaan ako basakulah di Sek Keb Permatang, Parit 7 (sakulang Angah Tinjau). Sawat dua bulan jua sakulah disitu, batis takapit dalam rim biskar, tarus ampih sakulah. Sampai wayahini ada ai lagi kunatnya. Imbah 3 bulan cuti, pindah ka sakulah di T Anson. Di sakulah nginto kada sawat 10 urang kakanak banjar yang mengaji disitu. Kakawanan sakulah kada tahu ako ni urang banjar pasal ako fluent berbahasa perak. Masa bergaul dengan kakanakan malayu ni ako dapat tahu kayapa tanggapan depa pada urang banjar. Urang banjar ni jar depa kadada kelas. Makan iwak harok, muha muring wan pawanian. Sikit-sikit kana tampeleng atawa kana suduk atawa timpas. Kakanakan malayu ditangati kawitan depa dari balalah ka Sg Manik, takutan di pupoh urang banjar. Amun mendarebal, kada wani laju, kaluko taranjah urang banjar atawa talanggar hayam. Sia-sia minik kapala kana pupoh.
Kami yang bagana di Kg Bahagia mula mendapat bekalan letrik wan banyu dalam tahun 1973. Sg Manik yang basabalahan cuma dapat bekalan pada awal tahun 1980 an. Nginto gen tihang lampu kana bayar sendiri. Tuhok mainta dari kerajaan. Masa tu urang malayu yang dipadang tagah gen hudah baisi letrik. Bukan nginto haja, kawasan penduduk malayu, jalan-jalan kampong sunyaan hudah ber tar. Amun di Kg Gajah (kawasan Ramli Ngah Talib) jalan kajamban gen ditar depa. Kawasan penduduk banjar magun ai jalan tanah merah. bila musim hujan, licak nya kada bisa handak aku manyurahkan. Tayar biskar kada kawa bapusing, tanah marikit ditayar. Tuhok ai mambuangi tanah tu hulu. Kasut kakanakan sakulah kadada yang parunanya. Saikong-saikong bacalumut awan licak.
Hujung tahun 1980 an hanyar ada jalan di Sg manik yang ber tar. Nginto gen sapalih jua. Contoh jalan Parit 7B pasalnya ada sakulah di Permatang. ngalih jua luko urang malayu nak ba ulang ka sakulah nginto.
Walau hudah 48 tahun merdeka, prasarana di Sg Manik magun kada banyak baubah. Sumbangan penduduk Sg Manik bukannya haloi. Sg Manik adalah antara pengeluar padi utama negara yang mana sedikit sebanyak membantu mengurangkan pertukaran wang asing wan mengurangkan kepergantungan kepada hasil pertanian luar negara. Urang banjar Sg Manik kadada dibarie kemudahan bacari pendapatan luar. Kemudahan pengangkutan awam ada ai, tagal hudah nak nazak. Sykt Kenderaan Sg Manik ada baisi dua tiga bigi bas buruk yang lalu di Sg Manik tagal schedule yang kada teratur wan bas yang selalu rakai, membuatkan servisnya kada efisen. Sg Manik sebujurnya sangat jauh ketinggalan dalam serba serbi. Ngintolah salah satu sebab kenapa urang banjar Sg Manik banyak yang bahamburan di Kuala Lumpur, di tanah-tanah rancangan Felda, wan negeri-negeri lain. Kakanakan banjar wayahini hudah mula melupakan bahasa ibunda sebab handak me asimilasi ka budaya malayu. Pandangan negatif masyarakat malayu terhadap urang banjar membuatkan kakanakan banjar supan handak basurah banjar. Dengan menggunakan bahasa malayu, anak-anak banjar beranggapan dapat diterima oleh masyarakat malayu dan menghilangkan stigma yang ada pada urang BANJAR.
